В Сербії підлягло ку вчерашнёму дню охоріню COVID-19 далшых пять людей враховано штатного таёмника міністерства жывотного окружіня Браніслава Блажіча. Інформовала о тім в середу аґентура DPA з одкликанём ся на ознамлїня централного крізового штабу. Блажіч, попереднїй член конзерватівной Серьбской покроковой страны (SNS) презідента Александра Вучіча, ся коронавірусом наказив протягом навщівы свого родного міста Кікінда, котре є єдным з огниск наказы в країнї. То, же є Блажіч паціентом з охорінём Covid- 19, влада потвердила 25. марца, приближно тыждень по ёго навщіві з тым, же быв госпіталізованый зо заважныма сімптомами той хвороты. Докторы і епідеміолоґове з крізового штабу не увели, з кым міг быти Блажіч на міністерстві в конактї.

(TASR, Шутіова)