Міністерство загранічных дїл і европскых залежностей СР в рамках реалізації найвекшой управы напряменя економічной діпломації продовжує в одборній приправі будучіх економічных діпломатів. Акредітованый навчалный проґрам Приправа економічных діпломатів реалізованый в кооперації з Економічнов універзітов в Братїславі абсолвує 16 заместнанцїв словацькой діпломації. Штатный таёмник резорту Растїслав Хованець їм в понедїлёк (28. 4.) одовздав освідчіня о абсолвованю проґраму. Акредітоване навчаня в области економічной діпломації робить міністерство загранічных дїл од року 2013, одборным ґарантом є Економічна універзіта в Братїславі. Ёго абсолвованя є єдным з головных крітерій про выбер заместнанцїв на позіції економічных діпломатів.

(TASR, Шутіова)