Міністерство внутра СР поступово выплатить містам і селам выше 16 міліонів евр на кельчік в часі вынятковой сітуації і за цілоплошне тестованя. Шеф резорту Роман Мікулец то повів в дебаті про пресову аґентуру TASR. В будучности бы подля нього могли  дакотрым самосправам при подобных актівітах орґанізуваных штатом выплачати залоговы платбы призначены на забезпечіня роботы повязаной з бойом протів пандемії. Іде главні о малы і окрайовы села, котры недокажуть  справити ся з  выдавками на тестованя і дальшы актівіты з ними повязаны. (TASR, Pkf)