Словеньска пошта уможнює од днешнього дня задарьмо посылати пакункы з гуманітарнов помочов на конкретны адресы на Україну. Пакункы мож подати на вшыткых філіялках Словеньской пошты в Словакії.  TASR о тім інформувала говоркыня пошты Івета Дорчакова. Україньска пошта подля ньой приобіцяла пріорітне доручіня споминаных пакликів. Пакунок з махімалнов вагов пять кілоґрамів мусить мати на добрім видительнім місці означіня ‚HUMANITARIAN AID‘ і максімална вартість товару в пакунку може быти 50 евр. Обсягом пакунку може быти лем гуманітарна поміч – тырванливы потравины, лікы і здравотницькый матерял, шматя і гіґєнічны потребы. (TASR, Pkf)