Все єм надхнута з выходу, суть ту выборны, жывотаспособны, шыковны люде а барз рада ся ту вертам. Протягом четверёвой навщівы Пряшова то повіла презідентка СР Зузана Чапутова. Додала, же уж не стигне прийти як презідентка, але барз ся тїшыть на найблизшу навщіву выходу як обчанка. Презідентка в пряшові навщівила Театер Александра Духновіча, де ся стрїтила з цїлым ансамблём. Завітала тыж до Евангелицькой колеґіалной ґімназії  в Пряшові, де сі пообзерала выставу ,,Порожній столець“. Наслїдно єй крокы вели до інтервенчного центра МыМамы, котре служыть женам і дїтём, жертвам домашнёго насиля. Зарівно протягом навщівы Пряшова абсолвовала переглядку наступленых єдноток 65. дослїджовательского прапору Поземных сил ОС СР а тыж сі попозерала статічны і дінамічны укажкы вызброї і матеріалу прапору. Проґрам в Пряшові завершыла навщівов Музея Солівар, де сі пообзерала історічны просторы будовы Ґапля, засобника солянкы- Четернї і експозіції Сільнобаньской чіпкы.

(TASR, Шутіова)