Є барз важне памятати на одказ другой світовой войны, же ненавістны ідеолоґії можуть забияти. З нагоды Дня перемогы над фашізмом то припомянула презідентка СР Зузана Чапутова. Підкреслила окрім іншого, же є нашов повинностьов, абы сьме світ просперіты, слободы і демокрації нелем хранили, але в найліпшім можнім ставі го одовздали і наступным ґенераціям. Презідентка собі днесь припомянула жертвы другой світовой войны при Гробі незнамого вояка на Разусовім набережі в Братіславі. (TASR, Pkf)