Школскы вакації будуть за актуалным планом
00
Планом міністра школства, наукы, выскуму і шпорту Браніслава Ґроглінґа не є скоротити літні вакації школярям, ани повторяти клас, потвердив то про пресову аґентуру TASR. Позначів, же сім місяців з даного школского рока было одученых класічнов формов і звышні тыждні ся учіть діштанчнов формов. В сітуації, же на дакотрых школах ся нестигне перебрати учбовый матерял, приправує міністерство школства в сполупраці зо Штатным педаґоґічным інштитутом крокы, як його пересунути до дальшого школского рока. Як далій повів, „ школскый рік 2019/2020 плануєме скінчити в актуалнім терміні. Може з істыма обробками і змінами, але вірю, же справиме ся з тым.“ (TASR, Pkf)
-
Назад / Nazad Перед плануваным приходом ся треба зареґістровати
-
Далше / Dalše Словакія має властны тесты на COVID-19