Зміны у фунґованю воєньскых залог, котры приготовлює Міністерство обраны СР, суть подля председу Выбору Народной рады СР про обрану і безпечность Ріхарда Ґлука (Smer-SD) добрый напад а мать од них великы очекованя. Ґлук то выголосив по днешнїм неверйнім рокованю выбору, на котрім міністер обраны Роберт Каліняк (Smer-SD) презентовав зміны посланцїм. ,,Очекую, якый о то буде інтерес, як знам міністра Каліняка, так ся му ку тому подарить зробити барз добру реґрутачну кампань,“ думать сі Ґлук. Інтересуючій о проєкт ся до нёго може запоїти жертвованём двох тыжднів своёй доволенкы а далшого вольного часу, головно вікендів. За обсолвованя выцвіку достане 3000 евр. Ґлук авізовав, же молоды представітелї страны Smer-SD ся до проґраму планують запоїти, жебы так ішли прикладом.

(TASR, Шутіова)