Влада буде годна выголошеный стан нужды повторяно продовжовати, найвеце о 40 днів. Схвалити до 20-ох днів то буде мусити парламент. Выходить то з новелы конштітучного закона о безпечности державы в часі войны, войнового стану, выняткового стану і стану нужды, котру в понедільок схвалила Народна рада Словацькой републікы на своїм міморяднім засіданю і такой в тот день підписала презідентка  Словацькой републікы Зузана Чапутова. Установити ся мають так само обмеджіня і повинности про стан нужды выголошеный з іншой причіны як з причіны огрожіня жывота і здравя в повязаню із взником пандемії. Презідентка в повязаню з новелов конштітучного закона о безпечности державы в понедільок підписала і новелу закона о Конштітучнім суді СР. Цільом новелы є доповнити можность пробаданя рішіня о продовжіню стану нужды Конштітучным судом.

(Медвідь, TASR)