Договор меджі владов Словацькой републікы і владов Російской федерації о безвізовім подорожіню людей, котры мають діпломатічны або служобны паспорты, ся дочасно позаставив. Вырішыла о тім влада на своїм днешнім засіданю. Міністер загранічных діл Іван Корчок має о тім інформовати Росію діпломатічнов путьов. Влада так вырішыла в реакції на „важне порушіня меджінародного права і меджінародных договорів Російсков федераційов, котрым ся огрожує теріторіална цілость, сувереніта і незалежность Україны“. Договор, котрый ся теперь позаставить, має Словацька републіка підписаный з Російов од децембра 2000-го року.

(Медвідь, TASR)