Зєдинити підпору заместнаности а рїшати многы темы в области верейнопроспішных служеб мать новый Містьскый подник служеб Пряшів. Служыти буде як соціалный подник. Ёго взник на остатнім рокованю заступітельства схвалили пряшівскы містьскы посланцї. TASR о тім інформовала говоркыня міста Терезія Рацова. Візіёв нового поднику є підвышованя локалной заместнаности зневыгодненых ґруп жытельства а ефектівне забезпечованя потребных верейнопроспішных служеб на теріторії міста. Головным одберателём служеб буде саме місто а тыж ним зряджены обходны сполочности, в котрых мать свій обходный подїл. Будуть то тыж основны, матерьскы і умелецькы школы, заряджіня про сеніорів а подобно.

(TASR, Шутіова)