x

Водне діло Ґабчіково чекать модернізація

00

Цілковы кошты на рекоштрукцію водного діла Ґабчіково бы мали досягнути скоро 210 міліонів евр. Реконштрукція бы ся мала реалізувати в двох проєктох. На модернізацію плавебных комор є призначено бівше як 144 міліонів евр а оправа турбін Водной електрарні Ґабчіково бы мали стояти приближні 65 міліонів евр. Проєкт іновації і модернізації плавебных комор в Ґабчікові є на основі міністра жывотного оточіня Ласла Соломоша сполуфінанцоване на 85 процентів з европскых джерел і патрить к найбівшым днешнім транспортным проєктым свого вызнаму в Европскій унії. Ґенералну оправу Водной електрарні Ґабчіково фінанцує штатный подник Водогосподарска выставба. В сучасности плине час на предкладаня понук в рамках общого обстараваня, котра кінчить 30. новембра.
(Петро Кімак-Фейко)