Контролный гіґіенічный бод в подобі екстеріерового стану отворили в Требішові коло найвеце вывжываного вступу до ромской комуніты. Служить як база про роботу асістентів підпоры здравя зо жытельмі ромскых комуніт бігом пандемії захворїня COVID-19. Додавають їм інформації, як ся хранити перед захворїнём, ці усмернюють особы з путовательсков анамнезов. Як дале інформовало Міністерство здравотницьтва СР, іде о далшый з проєктів в рамках боя проти пандемії захворїня COVID- 19 резортной приспевковой орґанізації Здравы реґіоны. Проєкт, котрый поступно орґанізація розшырить до далшых частей Словеньска, пілотнї спустили в Требішови в сполупраці з реґіоналным урядом верейного здравотницьтва, містом і містьсков поліціёв.

(TASR, Шутіова)