Праві на містній і реґіоналній уровни ся реалізують конкретны европскы ініціатівы і проєкты, котры злїпшують якость жывота людей. В день 21. юбілея вступу Словакії до ЕУ то припомянув председа Здружіня міст і сел Словакії Йосиф Божік. Тот день є подля нёго і сімболом почливости вочі робочім. Вступ Словакії до ЕУ приніс обчанім, як і містам а селам новы можности, од вольного рушаня особ, товарів, служеб а капіталу, аж по засадный імпулз про розвиток і модернізацію. ,,Міста, села і їх жытелї грають в тім проєкті незаступітельну задачу. Праві на містній і реґіоналній уровни ся реалізують конкретны европскы ініціатівы а проєкты, котры злїпшують якость жывота людей. ЗМОС сі зато з почливостёв припоминать принос і анґажованость міст і сел в будованю модерной і просперуючой сполочности,“ увів Божік.

(TASR, Шутіова)