Лідры ЕУ, котры роковали в четверь вечур до нескорых годин в Бруселї на остатнїм тогорочнім самітї, переберали темы очкованя і ковідпасів, говорили о напятю меджі Росіёв і Українов а зачали і тему цїн енерґій і таксономії в енерґетіцї. Про словацькы медії то увів председа влады СР Едуард Геґер. Премєр уточнив, же ся одбывали шырокы дебаты о коронавірусовім варіантї омікрон. Лідры до заверів той части діскузій достали пропозіцію, жебы Европска комісія уж протягом наслїдуючого тыждня управила платность ковідпасів. ,,Комісія на будучій тыждень выдасть наряджіня, в котрім скоротить платность ковідпасів на девять місяцїв. Мало бы то быти платне од 1. фебруара 2022,“ повів Геґер. Словацька делеґація тоту компромісну пропозіцію підпорила іщі перед зачатём саміту.

(TASR, Шутіова)