В припаді карного процесу бывшого премєра і председы партії Smer-SD Роберта Фіца про його высловы о одсуджіню ексдепутата ĽSNS Мілана Мазурека за його высловы о Ромах ся чекать на баданя знателів. Поліцайный презідент Мілан Лучаньскый то повів вчера на пресконференції. „Думам, же ся там чекать на баданя знателів, і на основі нього пак вырішыть розсліджователь, як дале і якым напрямом, самособов по договорі з прокуратором.“ Шпеціалный прокуратор Душан Ковачік кінцьом минулого року зрушыв узнесіня о Фіцовім обвиніню. Розсліджователь Народной кріміналной аґентуры обвинив експремєра з трьох карных чінів. Ішло о ганобліня народа, расы і пересвідчіня, бунтованя ку народностній, расовій і етнічній ненависти вєдно з карным чіном схвальованя карного чіну. В припаді одсуджіня грозить Фіцови єден аж пять років арешту.

(Медвідь, TASR)