На Словакії є высоке чісло неповнолітніх україньскых штудентів без родічовской старостливости. В практіці часто є так, же тоты діти заступать єдна особа на основі уповноміцніня, причім на єдного заступника може припасти аж дакілько десяток дітей. З погляду реалной старостливости то не є утримательне. Увагу на то звернув комісарь про діти Йозеф Міклошко в повязаню з анкетовым баданьом о кількости і условіях штудій штудентів із Україны на середніх школах і в школьскых інтернатах, котре Уряд комісаря про діти реалізовав в апрілю аж юні у співпраці із Міністерством школства, і Пряшівскым, Кошыцькым, Братіславскым а Баньскобыстріцькым самосправным крайом. Як приближыв, в Пряшівскім і Кошіцькім краю іде о 407 дітей, в Братіславі о 155, і в Баньскобыстріцькім краю о двоє. Комісарь далше вказав на то, же найрізіковішов ґрупов суть діти у віці 16 аж 18 років, котры на Словакії не мають никого із близкых. Такых є подля Міклошка на Словакії 5000, причім коло 1000 із них не має нияк правного заступника.

(Медвідь, TASR)