Стовкы гостей брали участь на четверёвім церемоніалї оцїнёваня бывшого презідента Рудолфа Шустера, котрый здобыв найвысше штатне вызнаменаня Бразілії – Рад Ріо Бранко, ступінь Великого крижа. Славность ся одбыла в Народнім театрі Кошіцї в рамках ослав ёго 90. народенин. ,, В такім віку, уж 20 років на пензії, а дакто сі спомяне – великый презідент Бразілії, же вам хоче дати оцїнїня, так то добрї паде. Од дїтиньства єм быв повязаный з Бразіліёв. Отець то зачав,“ повів з тым, же до Бразілії привів далшы ґенерації. ,,Бразілія ся про нашу родину стала другов отцюзнинов,” повів Шустер про TASR. Як повів гонорарный конзул Бразілії в Кошіцях Даньєл Сайтак, оцїнёваня было частёв презентації дїла і творьбы проходячіх штирёх років Шустера. Удїлїня вызнаменаня было повязане головно з выданём єдной з книжок о Шустеровій експедіції в Бразілії. Меджі гостями были окрем іншых і бывшы презіденты Іван Ґашпаровіч, Андрій Кіска як і сучасна голова штату Зузана Чапутова.

(TASR, Шутіова)