Першого януаря 2019 зачне діяти правна управа, котров ся мінить спосіб призначуваня пензійного віку. Нова правна управа становує пензійный вік в рокох і місяцях і односить ся на поіщенців народженых по 31. децембрі 1956. Пензійный вік за новов правнов управов як першы досягнуть поіщенці народжены в року 1957, а то сповніньом віку 62 років і шість календарных місяців. Продовжіня пензійного віку ся надалей недотулять поіщенців, котрым сучасна правна норма дала можность утримати пониженый пензійный вік. Іде о поіщенців, котры одробили певну часть років в роботі зарахованой до І. і ІІ. робочой катеґорії і про жены в залежности од чісла выхованых дітей. Інформації о поіщенцях, котрых ся продовжіня пензійного віку недотулать, суть уведжены на інтернетовім сайті Соціалной поіщовні.
(TASR)