Посланцї Народной рады СР зволили в середу в тайній вольбі на пост підпредседу парламенту шефа посланецького клубу опозічного PS Мартіна Дубеціго. Зо 79 платных листків од посланцїв голосовало за 78, никто не быв проти а єден посланець ся стримав. Резултаты вольбы выголосили в пленї. ,,Я то внимам як малый крок ку нормалізації померів ту в НР. Думам сі, же є то абсолутно штандардне, жебы опозіція была заступлена у веджіню Народной рады,“ повів о своїм зволїню Дубеці. Додав, же планує бранити граніцї інштітуцій, котры суть ,,денноденнї скушаны“. Опозіції належыть традічно єден пост підпредседу НР СР. Функція была довше необсаджена по тім, што з нєй одкликали посланцї лідра PS Міхала Шімечку. Тот вырїшыв, же уж не буде зась кандідовати. Окрем Дубеціго суть підпредседами парламенту іщі Тібор Ґашпар (Smer-SD), шеф SNS Андрей Данко і Петер Жіґа (Hlas-SD).

(TASR, Шутіова)