x

Председа парламенту хоче зрушыти котлебовців

00

Председа Народной рады Андрей Данко буде ініціовати антіфашістічны крокы, котрых цільом має быти зрушіня парламентной ĽSNS. Повів то на понедільковій пресконференції. Попросив медії, жебы му з тым помогли. „Ґенерална прокуратура і поліція мають звязаны рукы. Зато днесь говорю, же Slovenská národná strana, iя як председа Народной рады будуть ініціовати антіфашістічны крокы, вытвориме окрему комісію, запрошу до ньой представителів академії наук, юстічных кругів, Ґенералной прокуратуры, релевантных політічных партій, жебы сьме прияли законы, котры зрушать партію Ľudová strana naše Slovensko. Зачала война з вами, пане Котлеба, яку єм мав зо Слотом, то вам публічно одказую,“ повів председа парламенту. Данко ся подля властных слов за котлебовців в загранічу ганбить. Інсованя партії бере за великый проблем і пришов час, коли треба змінити Карный закон.
(Медвідь, TASR)
Фото: TASR