x

Соціална поіщовня зазначіла пробу о не оправнене здобытя удаїв

00

Соціална поіщовня зазначіла пробу о знеужытя єй мена і намагу о неоправнене здобытя удаїв  заместнанцїв на выходї Словакії в єдній з пряшівскых фірем. Телефонічно то спробовала не знама особа, котра ся передставила як заместнанець Соціалной поіщовни і не штандардным способом зіщовала особны удаї як мена і родны чісла. Арґументовала то тым, же хоче рішати місячны выказы за заместнанцїв, котры заместнавателе електронічно посылають до Соціалной поіщовни. Фірма в Пряшові, їм тоты удаї не дала. Соціална поіщовня зато зась упозорнює на різны пробы о знеужытя їх мена, котрых цілём є здобытя фінанчной часткы од різных особ або здобытя удаїв о заместнанцёх, котры ся тыж можуть стати обходным артіклом або можуть быти знеужыты інакшым способом.

(Шутіова, TASR)