Новозволены посланці Народной рады (NR) СР собі в пятницю на установлюючім засіданю выберуть окрім председы парламенту і двох підпредседів. В пятницю тыж подасть демісію дослугуюча влада, презідентка СР Зузана Чапутова призначіть нову в суботу (21. 3.). Дальшых двох підпредседів НР СР бы мали посланців одобрити в понеділок (23. 3.), кідь уж номінант Smeru-SD Петер Пеллеґріні небуде премєром. Партія SaS бы мала за підпредседу парламенту номінувати Мартіна Клуса. Його номінацію одобрила подля шефа лібералів Ріхарда Суліка Републикова рада SaS. Шеф Smeru-SD Роберт Фіцо потвердив, же його партія запропонує на місце підпредседы дослугуючого премєра Петра Паллеґрініго. Председом Народной Рады СР бы мав быти лідер Сьме родіна Боріс Коллар. Підпредседом парламенту за партію За людей бы мав быти Юрай Шеліґа. (TASR, Pkf)