Інтерес о репатріацію проявило скоро 2000 жытелів Словакії із вшыткых контінентів. В співпраці з транспортныма компаніями ся уж вертають жытелі Словакії з Мніхова, Будапешту і Любляны. По приході на Словакію підуть вшыткы до повинной карантены. Інформовав о тім говорця міністерства загранічных справ Юрай Томаґа. Вєдно з тым вызвав тых людей, котры ся інтересують о репатріацію, жебы ся в максімалній мірі намагали приближыти ку граніці СР. З капацітных причін ся буде репатріація рішыти на основі становленых пріоріт. (TASR, Pkf)