Лідер OĽaNO Іґор Матовіч актуалні їднать з председом руху Сме родіна Борісом Колларом. Матовіч уж в неділю (1. 3.) авізував  поволебне їднаня  з потенціоналныма коалічныма партнерами, з котрыма бы міг вытворити владу. В неділю ся мав стрітнути з председом  SaS Ріхардом Суліком. Пополідні ся мать к выслідкам волеб высловити і презідентка СР Зузана Чапутова. За словами Матовіча найліпше бы было спробувати вытворити владу, котра бы мала уставну векшыну в парламенті. (TASR, Pkf)