Потравин на Словакії є достаток. Убезпечіла о тім на соціалній сіті міністерка землегосподарьства і реґіоналного розвоя Ґабрєла Матечна у звязку  з вынятковыма опатрінями выкликаныма новым коронавірусом. Вызвала обывателів, абы неробили паніку, дотримували гіґєну і носили рушка. Як підчеркла Матечна, ,,Міністерство землегосподарьства і реґіоналного розвоя тісно комунікує з польногосподарями, потравинарями і обходныма компаніями. На основі інформацій, котры нам їх представителі реґулярні давають, потравин є достаток і неє нияка причіна на паніку і вытваряня великых засоб потравин і матерялу на їх выробу. Достаток потравин є на складох і в малообході.“ (TASR, Pkf)