Hlas-SD хоче на коалічній радї говорити о тім, жебы трансакчна дань не мусила платити про дрібных жывностників. ,,Затоже, то суть люде, котры бы мали быти штандардно в робочоправнім звязку, суть то мурарі, суть то пілчіцї, суть то малярї. Тых людей роботы хочеме охранити,“ увів председа страны Hlas-SD Матуш Шутай Ешток на четверёвім бріфінґу в Пряшові. Вопросом подля нёго є, якый фінанчный досяг то буде мати што бы мав повісти міністер фінанцій. Тема буде частёв роковань. Завірно увів, же трансакчна дань є частёв потребной консолідації, причім з розврату штатного розрахунку обвинив влады з минулого волебного періоду.

(TASR, Шутіова)