Кідь бы влада рішыла підфукы на DPH, не мусів бы прийти далшый консолідачный пакунок. Опубліковало то комунікачне одділіня опозічного KDH в реакції на высловы главной европской прокураторкы Лауры Кодруты Кьовесі. Опозічна партія припомянула, же Словакія ся подля главной европской прокураторкы стала центром россяглых підфуків з DPH. Єй слова подля KDH потверджують довгочасове попереджованя, же в СР ся тоты підфукы сістематічно не высліджують і не карають, што запричінює міліярдовы выпадкы у публічных фінанціях. (TASR, Пкф)