Надація Заставме корупцію (NZK) попередила на можливы неясности при роздільованю еврофондів з вызвы SocInoLab Міністерства праці, соціалных справ і родины (MPSVR) SR. Подля ньой успіли і мімовладны орґанізації персонално перепоєны з партійов Hlas-SD, котров членом є і міністер праці Ерік Томаш. MPSVR конфлікт інтересів одмітає і підкреслює, же проєкты посуджують екстерны незалежны оцінювачі выбраны нагодно з датабазы. В понедільок о тім інформовали Надація Заставме корупцію і MPSVR. Стотісячі евр дістало подля надації обчаньске здружіня Інштітут розвоя реґіону, котре заложив окресный председа партії Hlas-SD у Турчіанскых Тепліцях. Міністерство підкреслило, же інштітут быв частьов тройчленного конзорція, котрого проєкт дістав потрібне чісло пунктів од екстерных незалежных оцінювачів. Про тоту орґанізацію мало іти о третину з цілковой сумы 900 000 евр. (TASR, Пкф)