Влада СР поволила од днешнього 30-го марца отворити дакотры обходы і службы. Но треба дотримовати прісны гіґєнічны наряджіня. Обходы мусять забезпечіти дезінфекцію рук або охранны рукавіці. Буде становлена кількость людей в обході і буде треба дотримовати дваметровый одступ. В єднім моменті може быти в обході єден заказник на 25 квадратных метрів продайной плохы. Головный гіґєнік Ян Мікас повів, же міряня теплоты перед обходами є рекомендація і не є повинне. Премєр додав, же обходы не будуть отворены в накупных центрах. Выняток мають лем дроґерії, потравины і апатыкы, котры были отворены і дотеперь. Влада поволила отворити очны оптікы, лізінґовы службы, STK і емісны контролі, сервіс выпочтовой технікы, адвокаты і нотарі, ключовы службы, зберны дворы, метровый текстіл і ґалантерія, загородницька техніка, обходы і оправа біціґлів, ставебнины, іншталачный, електроіншталачный матеріал, желізярьства і фарбы-лакы. (Hospodárske noviny, А. Кузмякова)