Посланці опозичного Smeru-SD подавають карне ознамліня на судкыню Шпеціалізованого трестного суду Памелу Залеску, котра в понеділок вынесла розсудок в припаді бывшого шпеціалного прокуратора Душана К. Ознамив то председа  Smeru-SD Роберт Фіцо з тым, же трестне ознамліня є повязане з підозріням зо спаханя трестного чіну такзваного огыбаня права. Фіцо выголосив, же од самого зачатку ішло о тіпічный політічный процес, котрый є  мож порівняти з процесом з 50-ых років минулого столітя. (TASR, Pkf)