В неділю 16-го мая в Грабскім одбыв ся архієпархіалный одпуст на память блаженого священомученика Василя Гопка, пряшівского помічного єпіскопа. Торжество проходило в згоді з актуалныма пандемічныма наряджінями. Головным служытельом быв протосінкел Пряшівской архієпархії Любомір Петрик, котрый мав на одпусті і казаня. Блаженый Василь быв родаком із Грабского. За блаженого быв выголошеный у 2003-ім році Папом Йоаном Павлом ІІ. в Братіславі. В літурґічнім календарі має свято 11-го мая. В Грабскім ся на його память робить архієпархіалный одпуст каждый рік.

(Медвідь, ISPA)