Місто Гуменне вырішыло тот рік з причіны протипандемічных наряджінь не зробити слівестровскый огньострой. Часть фінанцій выділеных на нього самосправа схосновала на харітатівны цілі, інформовала Вероніка Латтова з пресового реферату Містьского уряду. Фінанції ішли про Ґрекокатолицьку харіту, Дім св. Юды Тадеї і соціалный центер, котрый буде дістрібуовати дарункы людям в нужді. Місто деками, вітамінами, облечіньом і потравинами обдаровало і Денный стаціонарь св. Йоана Крестителя, пакликы з потравиновов і гіґієнічнов помочов, деков, рушником і штримфлями дістали і жытелі містьского заряджіня бываня в нужді.

(Медвідь, TASR)