Представници окресів із северовыходной Словакії у четверь (22-го януара) на Міністерстві културы (MK) СР діскутували о пiдпорі реґіоналного розвою і културного турізму. На їднаню їх прияла міністерка културы СР Мартіна Шімковічова і штатный секретарь Маріо Марушка. Участь на нім взяли представници окресів Свідник, Стропків і Міджілабірці, як і Пряшівского самосправного края. Пресаґентуру TASR о тім інформовала діректорка одбору комунікації MK Петра Демкова. Стріча одбыла ся і за участи представників міністерства турістичного руху і шпорту і заміряне было на продовжіня проєкту реконштрукції Музея модерного уменя Енді Варгола в Міджілабірцях. Діскусія  веновала ся і шыршій підпорі розвою реґіону северовыходной Словакії. Стріча надвязовала на выяздове їднаня влады з новембра 2025-го року в селі Вышній Орлик в окресі Свідник. „Міністерство културы СР декларовало приправленость продовжувати в сполупраці зо самосправами і далшыма партнерами при підпорі културного турізму і реґіоналного розвою,“ доповнила Демкова. (TASR, Пкф)