Рада партнерства Пряшівского самосправного краю схвалила на своїм 21-ім засіданю далшы проєктовы заміры в цілковій вартости 3,3 міліона евр. Фінанції з Проґраму Словакія попyтyють на еколоґічны заміряня, модернізацію інфраштруктуры і розвой соціалной старостливости. В енвіроменталній области ся село Штефанівці і місто Снина заміряють на водозатримуючі рішіня, котры вычеряють непропустны поверьхы дождьовыма загородами і ретенчныма теріторіями. Вызначна інвестиція чекає і Спішске Подградіе, де зреконштруюють ся веце як півкілометра застаралой стоковой сіти на Гвіездославовій, Коменьского і Купельній улиці. Край думать і на мобіліту і соціалны вопросы. В Татрах взникне фахова штудія, котра посудить реалность будованя транспортных терміналів і модернізацію MHD. Найвекша часть розрахунку, аж 1,74 міліона евр, є выділена на выбудованя двох новых обєктів шпеціалізованой інштітуції в Старій Любовні. Тоты дають модерне бываня і соціалны службы про 12 дорослых жытелів. Про скоре черпаня фінанцій єдночасно рада вырішыла о скорочіня легот на повторююче предкладаня проєктів. (TASR, Пкф)