Путницкый дім на Маріаньскій горі коло Левочі в сучасности реконштуують. Містный декан Петер Майхер про TASR потвердив, же уж закончіли першу фазу обновы. Наслїдують далшы дві задны части будовы.Дякуючі реконштрукції путницького дому буде мочі фарность додати путникам, навщівникам і турістам потребне заземя, котре моментално на Маріаньскій горі хыбує. Будуть мати ку діспозіції просторы на стрїчі, духовны обновы, соціалны заряджіня а подобно. Закончіня реконштрукції путницького дому є плановане до конця октобра а цїлковый розрахунок ставбы є приближно три міліоны евр. Римокатолицька церьков на проєкт здобыла з Проґраму Словеньска приближно 1,27 міліона евр. На Маріаньскій горї фарность планує і реконштрукцію самой базілікы, ревіталізацію екстерієру а думають і над новыма войнкашнїма просторами, котры бы служыли на літурґічны і културны заміры.

(TASR, Шутіова)