Вчерайшы бурї скомпліковали сітуацію на желізнічній штрекі на Спіші. Желізнічна сполочность Словакія (ZSSK) на своїм інтернетовім сайті інформувала, же влакове споїня меджі станіцями Стара Любовня і Спішска Бела вычеряли автобусы. Споїня меджі Подгоранами при Кежмарку і Старов Любовньов мусили перерушыти. Причінов было тыж попадане дерево на штреці. Окрім даных місць гасічі засягували і в селі Хмельніця в Старолюбовняньскім окресі. На драгу там по бурї впало скоро десять дерев, никому ся але ніч нестало. Бурї, котры ся прогнали нашым реґіоном были причінов і зрушіня різных културно-сполоченьскых акцій. Прикладом того было недільняйше зрушіня фестівалу Русиньска ватра в Малім Липнику, котру орґанізувало  ОЗ молоды.Русины. Як на facebooku орґанізаторы  фестівалу написали, же прічінов на зрушіня події было переторгнутя хмар і велика буря, котры арел фестівалу перемінила на  єден великый базен. Жрідло фотоґрафії: Facebook/OZ molody.Rusyny (TASR, Pkf)