Любителі оперы мають можность 30-го авґуста прослухати знамы арії в унікатнім середовищі Деревяного артикуларного храму в Кежмарку. Концерт з назвов „Опера під Татрами 2025“ в просторах културной памяткы, записаной до світового списку UNESCO, споїть історію і музику. „Хочеме, жебы тот оперный вечур став ся традіціов. Нашов амбіціов є принести до реґіону не лем уменю якість, але і выняткове прожываня, споєне з унікатным місцьом і зо шпеціфічнов атмосферов,“ повів про пресаґентуру TASR організатор подїї Йозеф Качала. В поданю оперных інтерпретів зазвучать надчасoвы діла світовой музичной класікы. В концертнім проґрамi суть вчленены выбраны арії, дуета і оперны сцены діл Джузеппе Вердіго, Вольфґанґа Амадея Моцарта, Руґґера Леонкавалла і Джакомо Пуччініго. (TASR, Пкф)