Шкоды, запричінены минулотыжньовов бурьов на выходнiй Словакії, правдеподобно перевышають 800.000 евр. Выходить то iз сучасных одгадів Міністерства внутра СР, опублікованых пресаґентуров TASR. Выняткова сiтуацiя з причіны бурї была в середу надале выголошена в 31 селах і в цілім окресі Гелніца. Як інформував пресовый одбор Канцеларії міністра внутра, же в селах надале ся реалізують захоронюючі роботы, як і ліквідація попаданых дерев, чіщіня сельскых комунікацій ці оправы пошкодженых будов. В рамках  Свідницького окресу іде о  місто Свідник і села Кукова, Дубова, Вышній Мірошов, Ніжній Орлiк, Нiжнiй Комарнік, Церніна, Крачуновце і Лужаны при Топлi, в окресі Бардїїв Дубінне, Біловежа, Грабовец, Копрiвнiца і Шашова, в окресі Вранов над Топльо в селах Влача і Дюрдьош, і выняткова сiтуацiя є фурт выголошена і в селі Буківці в окресі Стропків. (TASR, Pkf)