Місто Свідник здобыло з Міністерства жывотного оточіня СР фінанчный вклад в сумі 166.322,19 евр на выбудованя зеленой стріхы на павілоні Матерьской школы на уліці Людовіта Штура. Містьскы посланці на недавнім засіданю схвалили і пятьпроцентне сполуфінанцованя. Як ТASR інформовала говоркыня міста Крістіна Тхірова, місто готує публічне змаганя на додавателя. Цільом зеленой стріхы буде затримованя доджовой воды. Місто ся пущать і до затепліня главной і найвекшой будовы споминаной школы, котра є найстаршов в місті. Была выбудована іщі в 70-ых роках 20-го століття. В тім році місто планує інвестовати і до реконштрукції електоіроіншталації,  соціалного заряджіня і купліня централного одсавача пар в цілковій сумі 245.000 евр. (TASR, Pkf)