Рік 2021 оцінюють в Любовняньскім музею позітівні. Його директор Далібор Мікулік про TASR повів, же ся їм подарило зреалізовати пару проєктів, а їх навщівность граду і сканзену го мило заскочіла. За його словами пандемічный час неґатівні засягнув главні турістічный рух, но і так їх в тім році навщівило скоро 170.000 людей. Покы в припаді іншых памяток была менша навщівность і о 60 процент, у них то было коло 20 процент. Рекордным быв рік 2019, кідь на град і до сканзену завітало скоро 216.000 навщівників. Того року по реконштрукції отворили палац Любомірьскых, што подля директора приспіло ку добрій навщівности. Єдночасно ареал граду і сканзену є дость пространным, зато не быв проблем дотримовати пандемічны наряджіня. (TASR, Pkf)