x

Велика реконштрукція музея Енді Варгола зачала

00

Пряшівскый самосправный край (ПСК) в пятніцю 14-го апріля 2023-го року переданьом ставбы зготовительови офіціално спустив проєкт комплексной реконштрукції Музея модерного уменя Енді Варгола в Меджілабірцях. Інформовала о тім Даша Єленьова, говоркыня ПСК. До великой інвестічной акції за майже 12,3 міліона евр дає край фінанції з властного розрахунку, і дотацію од державы. Велика модернізація має принести оріґіналну ставбу, многы мултімедіалны і інтерактівны елементы а векшу атрактівност музея, але і реґіону. Як председа ПСК Мілан Маєрьскый повів, котрый є зряджовательом музея Енді Варгола, же зачінають з реалізаційов унікатной ставбы, котра має надреґіоналный, майже народный характер. Бісідує ся о єднім з двох світовых музеїв, котрый має величезный потенціал про презентацію міста, края і Словакії. Інвестіція є вызначна і з погляду розвитку реґіону, підпоры турістічного руху ці бізнісового оточіня. (ЛЕМ.ФМ, Pkf)