Высокопреосвященый владыка Йона Максим, пряшівскый архієпіскоп і митрополіта в суботу 10-го януара навщівив ґрекокатоликів із Словакії, котры жыють у Швейцарії. На літурґію до Бірменсдорфу, в кантоні Цуріх, пришло понад 60 краянів. Вєдно із митрополітом служыли Божественну літурґію отець Хрісостомос Канавакіс і отець Матіас Едуард Верфелі, котры служать іншоязычным віруючім у візантійскім обряді, а так само отець Володимір Панчак, котрый походить із Словакії, і діє у швейцарійскій парохії Целеріна. Навщіва владыкы была про ґрекокатоликів із Словакії великым духовным повзбуджіньом, кедже і в чуджіні несуть в сердці любов до восточного обряду і кажда літурґія їм приносить радость із навернутя ку властным коріням.

(Медвідь, ISPA)