Пряшівскый самосправный край протягом надходячого вікенду спущать очкованя і без реґістрації, то значіть на почеканя. Доступне буде уж найблизшу недїлю (18.7.) у крайскых великокапацітных очковачіх центрах в Попрадї і в Гуменнім.  В тот самый день ПСК в обходнім центрї на уліцї Армадного ґенерала Свободу на сідліску Секчов в Пряшові забезпечіть поданя вакціны Janssen про незареґістрованых інтересуючіх старшых як 16 років. TASR о тім інформовала Леа Геілова з оддїлїня комунікації і пропаґації Уряду ПСК. Як повіла, край про людей, котры не будуть зареґістрованы, предбежно выдїлив приближно 20 процент давок вакцін з денной алокації каждого центра. Очковачій тім, котрый буде в ОЦ, є приготовленый в часї од 10.00 до 18.00 г заочковати аж 300 людей єднодавковов вакцінов Janssen од компанії Johnson & Johnson. Очкованя в ОЦ край планує зреалізовати і в недїлю 25. юла в єднакім часї. (TASR, Шутіова)