З нагоды 30. выроча Нїжной револуції у четверь в Попраді славностно одкрыли і посвятили памятну таблу двом жертвам комунізму. Франтїшек Беднар зо Світового здружіня бывшых політічных арештантів при тій нагоді увів, же Попрадчан Антон Мачуґа умер як 30- рочный на наслїдкы дырсных выслухів Штатной безпечности в роках 1949-1952. Салезіян Алойз Жемла як ведучій фарности в Попраді наперек заказу выступив з приговором на ёго погробі а в роцї 1954 го заперли коло пробы утечі і одсудили го на 15 років басы. Їх памятку буде припоминати табла з фотоґрафіями і куртым текстом, котру завісили на будову Інштітуту Штефана Нагалку на Набрежу Яна Павла II.

(Шутіова, TASR)