Пряшівскый самосправный край буде в слідуючім році господарити з розрахунком веце як 206 мілінов евр. Крайскы депутаты го схвалили на понедільковім засіданю. Цілково будуть приймы творити понад 206 міліонів, вытраты понад 204 міліона евр. Розділ з розрахунку буде схоснованый на сплачіня пожычок од Европской інвестічной банкы в сумі 2,1 міліона. Найвеце грошей із розрахунку піде на піднятя мздовых вытрат робітників верейной справы, кедьже мзды мають роснути подля таблічок о веце як 10 процент. Єдночасно были до розрахунку даны і вытраты на рекреачны купоны, котры были недавно схвалены парламентом. Розрахунок рахує і з інфлаційов, і то у вышці 2,5 процента подля даных Інштітуту фінанчной політікы.
(Медвідь, TASR)