12-ый юн быв Світовым конґресом Русинів выголошеный за День Русинів Словакії, як памятка на масовы Дні русиньской културы в часі 1-ой Чехословацькой републікы і одкрытя памятника русиньскому будительови Александрови Духновічови в Пряшові в 1933-ім році. В рамках выставы Русинів на Спішу в Музею Спіша в Спішскій Новій Всі його робітници приправили про навщівників музея  шпеціалный проґрам. Його цільом є приближыти історію, културу, традіції, фолклор і далшы области жывота Русинів на Спішу. 12-го юна на День Русинів, то  значіть в суботу, oд 13:00 до 18:00 год., Музей Спіша приготовив коментованый огляд выставы Русинів на Спішу, проєкцію документарного філму о жывоті Спішскых Русинів, презентацію свядьбяных русиньскых звыків на Спішу, але і презентацію русиньскых співанок на Спішу в поданю співацькой ґрупы Піречко. Сучастьов свята буде і продай публікації о Історії Русинів на Спішу в словацькім і в русиньскім языку. (TASR, Pkf)