Місто Бардійов планує в новім року зреалізувати комплехну реконштрукцію шпортовой салы Мір (Mier). Цалковы кошты суть скоро два міліоны евр. Цільом даной реконштрукції є будинок з другой половины 80-ых років 20-го столітя змінити на мултіфункчный шпортово-сполоченскый будинок. Фінанчны джерела в сумі 1,5 міліона евр  суть забезпечены  зо средства од влади СР. В будучім року буде місто Бардійов продовжувати і з проєктами наприклад ревіталізації внутроблоковых просторів в двох містькых районах – Обранцов міеру і Вінбаргу, каждый в сумі 800.000 евр з джерел Европской унії. З тых самых джерел буде фінанцоване і выбудованя ціклопішника на Топлянскій улиці в сумі 600.000 евр, реконштрукція і пониженя енергетічных коштів будинку Основной умелецькой школы Міхала Вілеца за 1,2 міліона евр ці звышіня  енергетічной ефектівности будинку окресного уряду в сумі тыж 1,2 мілонів евр.
(TASR, Pkf)