Дві сусідні окресны міста під Дукльов бы онедовго могли мати ку собі іщі ближше. Стропків і Свідник планують ся перепоїти ціклотрасов. Днесь тот замір є в початках, але обидва міста декларовали, же ціклістічне перепоїня будуть підпоровати. Подля актуалных інформацій бы о жадости на дотованя проєйктовой документації ціклотрасы  мала рішыти жупа уж 24-го авґуста. Ініціатором той думкы было місто Стропків, але підпору нашли і в сусіднім Свіднику. Окрем споїня обидвох піддукляньскых міст бы хотіли потягнути трасу аж по Домашу, а з другого боку ку памятнику на Дуклі. (Korzár, Pkf)