Председа Пряшівского самосправного края Мілан Маєрскый хоче рішыти проблемы прямо в терені. І то было причінов, чом  в середу завітав до окресу Стара Любовня  з цільом вести діалоґ зо старостами сел і подникательмі окресу. Зо заступцямі общой справы діскутовали головно о дорогах, школстві, соціалній області, розвою ціклотуризму, але і о вызвах, до котрых ся можуть села залучіти і здобыти так фінанції на вшелякы проєкты. Председа ПСК Мілан Маєрскый повів, же ключовов темов про реґіон є окрім іншого доправна інфраштруктура, што потвердила і сама дискусія. Як далі повів, „єднов з найвекшых інвестичных акцій в окресі є выбудованя юговыходного обхвату міста Стара Любовня за вецей як 2,3 міліона евр. Самосправа дала на реалізацію фінанції у вышкі єдного міліона евр, ПСК дасть решту.“ (ТАСР, Пкф)